Əvəzedicilər Liqasının çempionu “Neftçi-2” bu mövsüm ilk rəsmi oyununu keçirib. Baş məşqçi Rəşad Abdullayevin yetirmələri 1-ci turda “Turan Tovuz-2” ilə qarşılaşıb. “Neftçi” Futbol Mərkəzində baş tutan matçda “ağ-qaralar” 1:2 hesabı ilə məğlub olub.

Hesabı 7-ci dəqiqədə İbrahim Novruzovun qolu ilə “Neftçi-2” açsa da, rəqib fasilədən sonra iki qol vurmağa müvəffəq olub. 61-ci dəqiqədə Məzahir Məmmədzadə, 68-ci dəqiqədə isə Elçin Qasımov fərqlənib.

Qeyd edək ki, “Neftçi-2” 2-ci turda “Səbail-2”nin qonağı olacaq.