“Neftçi” AFFA-nın təşkilatçılığı ilə 3-cü dəfə keçirilən ənənəvi “Zəfər” turnirində ikinci yeri tutub. Final matçında “Səbail”ə 1:3 hesabı ilə uduzan “ağ-qaralar” gümüş medallara sahib çıxıblar. Komandamızın qolunu Eldəniz Məmmədov vurub.

Premyer Liqada mübarizə aparan klublar, eləcə də AFFA-nın və PFL-in əməkdaşlarından ibarət komandaların mübarizə apardığı yarışın 1/4 final mərhəsində Eldəniz Məmmədovun qolu ilə “Qəbələ”yə 1:0 qalib gələn “Neftçi” yarımfinalda “Turan Tovuz”u məğlub edib – 5:2. Bu matçda komandamızın qollarına Cemal Bülbül (2), Eldəniz Məmmədov, Rafail Yusifov və Alim Qurbanov imza atıblar.

Qeyd edək ki, turnirin keçirilməsində əsas məqsəd 44 günlük Vətən Mühabirəsində qazanılmış qələbəni futbol veteranları, klub nümayəndələri ilə birlikdə qeyd etmək, onların asudə vaxtlarını daha səmərəli təşkil etmək idi.