“Neftçi” bir itki ilə hazırlaşır

23 sentyabr 2021, 16:58

“Neftçi” Premyer Liqanın 5-ci turunda qarşılaşacağı “Sabah”la oyunun hazırlığını davam etdirir. Birgünlük fasilədən sonra sentyabrın 22-də hazırlığı bərpa edən komandamız bu gün “Türk Hava Yolları Futbol Mərkəzi”ndə məşqə çıxıb.

Ailə vəziyyəti ilə əlaqədar vətənində olan Harramiz Suaresdən başqa bütün futbolçular hazırlıq prosesində iştirak ediblər. O, qarşıdakı günlərdə komandanın düşərgəsinə qoşulacaq. Məşqdə əsasən toplu və taktiki çalışmalar yerinə yetirilib.

Qeyd edək ki, “Sabah” – “Neftçi” oyunu sentyabrın 26-sı saat 17:00-da “Bank Respublika Arena”da keçiriləcək.

Qalereya

Tövsiyə olunur