“Neftçi” hazırlığı bərpa etdi

18 mart 2021, 15:35

“Neftçi” 3 günlük fasiləyə son qoyub. “Ağ-qaralar” bu gün “Türk Hava Yolları Futbol Mərkəzi”ndə məşqə çıxıb. Əsasən toplu çalışmalardan ibarət olan hazırlıq prosesində milli komandaların düşərgəsinə yollanmış, eləcə də müxtəlif səbəblərdən icazəli olan futbolçular iştirak etməyiblər. Yeni transferimiz Keysuke Honda isə fərdi məşqlə kifayətlənib.

Qeyd edək ki, “Neftçi” növbəti rəsmi oyununu aprelin 4-də keçirəcək. Flaqman Premyer Liqanın 21-ci turu çərçivəsində “Sumqayıt”ı qəbul edəcək.