U-11 komandamız "Neftçi”nin veteran futbolçusu, Azərbaycanın əməkdar məşqçisi, SSRİ-nin idman ustası, 1966-cı ilin bürünc mükafatçısı Valeri Hacıyevin xatirəsinə həsr olunmuş turnirin qalibi olub. Baş məşqçi İslam Kərimovun yetirmələri 2009-cu il təvəllüdlü futbolçular arasında keçirilmiş yarışın final matçında "Qarabağ”ı oyunsonrası penaltilərdə məğlub edərək (2:2, 3:1 – pen.), kuboka sahib çıxıb. Komandamızın qollarınıRamin Abıyev və Cəmil Səlimov vurublar. İbrahim Bünyadov turnirin ən yaxşı qapıçısı, Cəmil Səlimov isə ən yaxşı müdafiəçisi seçilib.

Qeyd edək ki, "Amasiya” İdman Kompleksində təşkil olunmuş, 2 qrupdan ibarət 8 komandanın mübarizə apardığı turnirdə "Neftçi” bunadək "Sərhədçi” (5:0), "Qəbələ” (3:0) və "Sumqayıt” (5:0) komandaları ilə qarşılaşmışdı.