"Neftçi" – "Sumqayıt" matçını Kamal Umudlu idarə edəcək
31 yanvar 2020, 19:00
Premyer Liqada 15-ci turun təyinatları açıqlanıb. "Neftçi” – "Sumqayıt” oyununun baş hakimi Kamal Umudlu olacaq. Ona Mübariz Haşımov və Cavanşir Yusifov kömək edəcəklər. Dördüncü hakim funksiyasını Namiq Bəkirov yerinə yetirəcək. Hakim-inspektor Fariz Yusifov, AFFA nümayəndəsi isə Ramiz Mustafayev olacaq.
Qeyd edək ki, fevralın 1-i "Bakcell Arena”da keçiriləcək "Neftçi” – "Sumqayıt” oyunu saat 17:30-da başlanacaq.
